உடல் எடையை அதிகரிக்க உதவும் அருமருந்து MakkalPost

தேவையான பொருட்கள்

பொன்னாங்கண்ணிக் கீரை. – 200 கிராம்.

பாசிப் பருப்பு. – 100 கிராம்

நெய் – தேவையான அளவு

செய்முறை

முதலில் தேவையான அளவு பொன்னாங்கண்ணிக் கீரை எடுத்து ஆய்ந்து பழுப்பு இலைகளை நீக்கி சுத்தப்படுத்தி எடுத்துக் கொள்ளவும். பாசிப் பருப்பை சுத்தப்படுத்திக் கொள்ளவும்.

சுத்தப்படுத்திய பொன்னாங்கண்ணிக் கீரையை இட்லி பாத்திரத்தின் மேல்தட்டில் வைத்து இட்லி பாத்திரத்தில் உள்ள நீரில் பாசிப்பருப்பைப் போட்டு நீராவியில் வேக வைத்து எடுத்துக் கொள்ளவும்.

ஒரு மண் சட்டியில் தேவையான அளவு நெய் ஊற்றி தாளித்து அதில் நீராவியில் வேகவைத்த பொன்னாங்கண்ணிக் கீரை , பாசிப்பருப்பு போட்டு ஒரு வதக்கி எடுத்து கொள்ளவும்.

தீரும் குறைபாடுகள்

உடல் எடையை அதிகரிக்க வேண்டும் என்று நினைப்பவர்களுக்கு உதவக் கூடிய கீரை. உடலை வலிமையாக்கவும் மற்றும் எலும்புகளை உறுதி செய்யவும் உதவக்கூடிய கீரை.

சாப்பிடும் முறை

இவ்வாறு மேற்கூறியமுறையில் தயாரித்த பொன்னாங்கண்ணிக் கீரைப் பொரியலை தினமும் ஒரு வேளை உணவாக எடுத்துக் கொள்ளவும். ஒரு மாதம் சாப்பிடவும். பின்பு தேவைக்கேற்ப தொடரவும்.

இரவு படுக்கப் போகும் முன்

வெற்றிலை (2), மிளகு(2) , உலர் திராட்சை (5) இவை மூன்றையும் சேர்த்து தினமும் படுக்கப்போகும் முன் வாயில் போட்டு மென்று தின்று முழுங்கவும்.

குறிப்பு

அனைத்து காய்களையும் , கீரைகளையும் நீராவியில் வேகவைத்து உணவாக சாப்பிட்டு வரவும். பச்சை மிளகாய்க்கு மாற்றாக இஞ்சியையும் வர மிளகாய்க்கு மாற்றாக மிளகாய்
பயன்படுத்தவும்.

– கோவை பாலா

இயற்கை மருத்துவம் மற்றும் உணவு வழி(காய்கறி) மருத்துவ ஆலோசகர்.
செல் : 96557 58609, 75503 24609
Covaibala15@gmail.com

Source link